Uman nga nagpadumdom si Pangueong Ferdinand Marcos Jr. sa nagahana nga problema sa Asia-Pacific region sa isyu it food security, kaeawasan ag climate change.
Sa pagtambong ni Pangueong Marcos sa APEC CEO summit, nag-apela imaw sa kaparehong mga lider nga pabaskugon ro kooperasyon sa rehiyon agud nga masabat ro structural ag policy issues sa mga nasambit nga sitwasyon.
Suno sa presidente, kinahang-ean nga mag-ugyon ro tanan nga gobyerno sa Asia-Pacific region para mas madasig nga magsueong ro ekonomiya it mga nasyon sa pamaagi it pagkriar it mas maabu nga trabaho ag bawasan ro lebel it kapigaduhon.
Gin-insister man kara nga dapat prioridad it tanan nga gobyerno ro sangka flexible nga mga polisiya agud nga masiguro nga mapataas ro domestic food productions ag mapabakod ro local agricultural supply ag value chain.
