Nakapukaw it atensyon ro sangka food rider delivery matapos nga gindaea kara ro anang eapsag samtang nga nagatrabaho.
Ginkilaea ro tatay nga si Hershey Manuel.
Base sa uploader nga si Jermiel, sa anang pag-usisa kay Manuel, owa imaw it ibang masaligan nga maaywanan sa anang unga nga sarang magbantay rason nga ginadaea eon lang nana sa anang trabaho.
Suno kana nga nagatrabaho man ro anang misis ag sanda hay naga-istar eamang sa baeay it anang tiyo.
Suno pa kay Manuel nga owa naging sabeag ro andang naeksperyensyahan nga kalisod makaron nga mag-asawa ag sa baylo hay gina-obra nanda raya nga inspirasyon agud nga mas pa nga maghugod para sa andang unga.
Sa pihak it mga pagsubok sa andang kabuhi, padayon sa gihapon sanda nga nagapakigsukoe ag nagapakita it pagpalangga sa andang pamilya.
