Gintalakay sa ginhiwat nga pagpueong sa taeatapan it Department of Agriculture sa pagpanguna ni President ag DA secretary Bongbong Marcos ro nagakeain-eain nga produktong agrikultura nga padayon ro pagtinaas it presyo partikular ro bugas,manok, itlog, tinuean-on ag asukar.
Suno kay Department of Agriculture Under Secretary Kristine Evangelista, sambilog sa ginapatihan nga solusyon ni PBBM sa presenteng gina pangatubang nga krisis hay ro food mobilization ukon pagbiyahe it mismong produkto maghalin sa mga lugar nga may bastanteng suplay paagto sa mga merkado para makaabot sa mga konsumidor.
Ginmanduan man it Pangueo ro Department of Agriculture nga tan-awon ro mga programang nagagana pa ag punduhon eon ro mga programang kinahangean eon nga islan.
Raya sigon hay para mas mapataas ro produksyon ag mapanaba ro presyo it mga baeakeon.
Samtang, mas bastante nga ani ag mas barato nga mga produkto ro target nga mapatuman ni PBBM rason nga hugot nanang pagagatutukan ro mga presenteng programa it Department of Agriculture.
