May nakataeana eon nga pondo ro Department of Public Works and Highways ukon DPWH angot sa ginaduso nga butangan it foot bridge sa tunga it national highway nga nagaangot sa Kalibo Pilot Elementary School ag sa Magsaysay Park kon sa siin dikaron man makit-an ro municipal building it lokal nga gobyerno it Kalibo.
Raya ro ginkumpirma ni Kalibo sangguniang bayan member Matt Aaron Guzman bilang sambilog sa proponent it nasambit nga proyekto base sa ginpaguwa nga impormasyon it engineering department it LGU Kalibo.
Suno kana, sa pagtinguha ni Kalibo mayor Juris Sucro hay nausuyan it pondo ro mabuhay eon nga ginahandom nga mabutangan it foot bridge ro nasambit nga lugar para sa kaeowasan it mga estudyante ag mga umaeagi.
Uwa pa sigon imaw it specific nga datos kon pila ro pondo nga igataeana it DPWH apang klaro eon sigon nga madayon ro nasambit nga proyekto matapos ro pilang dag-on nga paghandom kara.
