National News ———Magadihon it proposisyon si Senator Sonny Angara nga magiging daean para makatuon sa kolehiyo sa ibang nasyon ro deserving high school graduates sa nasyon.
Suno kay Angara ginatun-an nana ro pagpaeawig it sakop it Senate Bill 961 ukon ro Pensionado Act, nga anang gindihon sa 18th Congress.
Ginmitlang pa kara nga makabig nanang maswerte ro anang kaugalingon bangud nakatuon imaw sa ibang nasyon sa suporta it anang mga ginikanan apang bukon it tanan hay masarangan raya rason nga nagdihon imaw it Pensionado Act.
Dugang pa kara nga mas maabong matun-an ro mga nagatuon sa ibang nasyon mas kapin eun sa ginatawag nga ‘specialized field of study’ kapareho it Math ag Science.
Nakabaehag man sa nasambitan nga proposisyon nga magasuportahan it gobyerno pamaagi sa Commission on Higher Education (CHED) ro pagtuon sa ibang nasyon it mga deserving nga Filipino.
Dugang pa kara nga kada dag-on, 24 ro pagapilion para sa scholarship grants, tig-tatlo sa waeong vital disciplines or areas of specialization nga pagatumuron it CHED.
