Ginkwestyon ni former Kabataan Party-list Representative Raoul Manuel ro pagdisenyo it Bawat Barangay Makikinabang ukon BBM Barangay Scholar Program, partikular ro paglimita sa lima ka beneficiary kada barangay nga makabaton it ₱20,000 educational assistance.
Suno kay Manuel, bukon it pareho ro populasyon it kada barangay ag may mga barangay nga masami hay mas abo ro college students.
Bangud kara, posible nga magresulta raya sa kompetisyon ag mga reklamo sa pagpili it beneficiaries.
Ginpahayag nana nga mas maayos kun may mas flexible ukon proportional nga pamaagi sa pagbahin it pondo, agud mas abo nga kwalipikadong estudyante ro makabaton it bulig ag malikawan ro mga isyu sa barangay.
Ginkwestyon man nana ro pagpili it beneficiaries nga may koneksyon sa mga barangay officials, eabi eon kun may mas nagakinahangean nga mga uga it mangunguma, mangingisda g mga pamilyang may maisot nga kita.
Suno kay Manuel, dapat mas tutukan it DILG ro pagmonitor sa implementasyon it programa agud masiguro nga nasunod ro guidelines ag nagaagto ro ayuda sa mga kwalipikadong benepisyaryo.
