Nag-apela si former New Washington mayor Jessica Panambo sa lokal nga gobyerno nga pabay-an eon lang ro mga onga nga makatapos sa andang pag-eskwela sa pinaagi it pagiging municipal scholar.
Raya hay matapos nga makaabot sa anang igtaeopangod nga may mga municipal scholar nga ginkakas ro pangaean bangud nga bukon it supporter it presenteng administrasyon.
Ginpanindugan it dating alkalde nga sa anang tyempo hay uwa sigon it natabo nga makaraya nga insidente.
Ginkwestyon man nana kon anu ro basehan nga makasueod sa municipal scholar nga mabahoe kunta nga bulig sa mga estudyante nga nagakinahang-ean.
Ginpahayag dugang ni former mayor Panambo nga kinahang-ean nga amligan ro paaeabuton it mga inonga ag uwa dapat it ginapili sa programa nga halin sa gobyerno.
