Gin-aresto makaron nga adlaw, Hunyo 20 si former Negros Oriental governor Pryde Henry Teves.
Si Teves hay gin-aresto alas-8:15 kaina it agahon it Philippine National Police – Criminal Investigation and Detection Group (PNP-CIDG) sa Barangay Taclobo, Dumaguete City bangod sa pagbayolar sa The Terrorism Financing Prevention and Suppression Act of 2012.
Ro warrant of arrest hay gin-issue it Seventh Judicial Region, Branch 74 – Cebu City ku Mayo 13 ag raya hay may bail nga P200,000.
Ro dating gobernador ro nagapanguna sa listahan it mga Most Wanted Persons (MWP) sa provincial ag regional level.
Madumduman nga ku Agosto ku nagtaliwan nga dag’on gintaeana it Anti-Terrorism Council (ATC) si Pryde Henry kag magueang nga kara nga si expelled Negros Occidental Congressman Arnolfo ‘Arnie’ Teves, kaupod ro 12 nga iba pa bilang terorista bangod sa gina-alegar kaangtanan it mga raya sa pila nga mga insidente it pagpamatay ag harassment sa Negros Occidental.
Kaeakip kara ro pagpatay kay late Negros Oriental Governor Roel Degamo ku Marso 2023 nga nagresulta sa pagkapatay it siyam nga iba pa.
Una man nga ginpaguwa ro arrest warrant kontra kay Arnie Teves ku Setyembre, nga sa makaron ginpaidaeom sa house arrest sa Timor Leste samtang ginaproseso ro extradition trial agur raya hay mapabalik sa Pilipinas.
