Gin-ako ni dating pangueong Rodrigo Duterte nga ginmanduan nana ro mga dating hepe it Philippine National Police nga engganyuhon ro mga suspected criminals nga magsukoe ag kon kumasa idto dikato patyon.
Raya ro ginbulgar ni Duterte sa imbestigasyon it Senate blue ribbon subcommittee angot sa madugong war on drugs ko nagtaliwan nga administrasyon.
Samtang, uwa ginpaeampas ni Senadora Risa Hontiveros ro naging rebelasyon it dating presidente.
Gin-ako dugang ni Duterte nga may una imaw nga death squad sa Davao apang bukon it mga pulis kundi mga gangster.
Mga manggaranon sigon ro mga raya ag haom nga pumatay it mga krimimal ag kapin sa pitong miyembro it anang death squad.
Ginpahayag ni Hontiveros nga “bombshell” ro ginbulgar ni Duterte nga may una imaw nga death squad police man ukon bukon ro imbolbado.
Raya sigon ro ginausisa nanda kon ro ginhimo sa Davao City hay naging template it drug war sa bilog nga nasyon kat naging presidente si Duterte.
