KALIBO, Aklan—Nagaeaum si Fr. Tudd Belandres, parish moderator it St. John the Baptist Cathedral nga kabay nga magaserbing inspirasyon si Immaculate Conception sa mga pumueuyu agud nga maging masinuendon ro kada isaea.
Raya hay angot sa Kapistahan it Immaculada Concepcion nga ginadumdum it mga katoliko kada December 8 it dag-on.
Suno kana nga base sa “Genesis” ro saea hay nagsueod sa kalibutan bangud sa disobedience ukon owa pagsunod ni eva, ro kauna-unahan nga nanay it katawhan sa sugo kana it Ginoo nga indi magkaon it bunga it ginabawae nga puno it kahoy.
Kabaliskaran raya kay Birheng Maria nga naging masinueundon sa kagustuhan it Diyos nga imaw ro maga-bun-ag it anang unga nga si Hesus nga naging man-eoeowas it sanlibutan.
Bangud kara, makita sigon nga ro owa pagsunod hay nagatuga it saea samtang ro pagiging obedient ukon masinueundon hay nagatau it grasya.
Gindugang pa ni Fr. Tudd nga sa raya nga okasyon hay ginadumdum ro selfless service ag debosyon ni Virgin Mary sa anang pamilya ag sa anang pagtuo sa Ginoo.
Simbolo man sigon ro okasyon it paskwa bangud nga kon owa ro Immaculate Concepcion hay owa it selebrasyon it paskwa.
Gin engganyo man nana ro tanan nga pirmeng magsimba ag magpaeapit sa Diyos agud nga magiyahan sa tama nga daean nga paga-agihan.
