KALIBO, Aklan–Nagapati ro sangka football analyst nga mas mabahoe makaron ro pressure sa France kay sa Morocco sa andang pag-engkwentro para sa semi-finals it FIFA World Cup 2022.
Raya hay bangud kinahang-ean nga madepensahan it France ro andang titulo bilang depending champion ko nagtaliwan nga world cup.
Suno kay Jaimer Dela Cruz, sangka football analyst nga ro journey it Morocco hay bukon eamang it para mai-uli ro kampeonato kundi para irepresenta ro African ag Arab nation.
Kung pagagamiton sigon nanda ro andang passion sa paghampang hay mabahoe ro andang tyansa nga magdaog kontra sa France.
Base sa resulta it andang mga nagtaliwan nga hampang, makit-an ro pagiging organisado it atake ag depensa it koponan.
Kung may mag mark sigon kay football superstar Kylian Mbappe hay siguradong makaeusot sanda sa finals.
Kinahang-ean sigon nanda nga maging dominante ag estudyuhan kung paano mas pang makabaskog ro andang depensa.
