WEATHER UPDATE — Makaron nga Martes Santo hay magadaea it magaeumon nga kaeangitan ag pag-uean ro Frontal System sa pinaka-naaminhan nga parte it Luzon, eabi eon sa Batanes, Cagayan, ag Apayao, nga posibleng magtuga it pagbaha ukon paghugos it eugta.
Apektado man it Easterlies ro nabilin nga parte it nasyon, kun sa siin makaangkon it kalhit-kalhit nga pag-uean ag pagkilat-pagdaeugdog sa Zamboanga Peninsula, Basilan, Sulu, ag Tawi-Tawi.
Posibleng maka-eksperyensiya it kalhit-kalhit nga pag-uean ro Metro Manila ag iba pang lugar.
Katamtaman ro kabaskog it hangin sa Eastern Luzon, samtang mahina hasta sa katamtaman man sa nabilin nga parte it nasyon pati man ro humbak sa kadagatan.
Sa probinsiya it Aklan ag bilog nga Western Visayas, mangin mayad ro tiempo sa pangkabilugan apang may posibilidad man it kalhit-kalhit nga pag-uean, pagpangilat ag pagpanaeugdog daea it easterlies.
