KALIBO, Aklan—Uman nga naagaw it heavyweight match ro atensyon it publiko halin sa welterweight sa patag it boksing.
Raya hay matapos nga bumuhos ro mga tumaean-aw sa rematch nanday Tyson Fury ag Deontay Wilder, kun sa siin, rumesbak si Fury ag naagaw kay wilder ro WBC heavyweight crown sa MGM grand arena, Las Vegas, Nevada.
Suno kay Bombo International Correspondent Pinoy Gonzales nga kapin sa 15,816 ro nagtan-aw sa bakbakan nga kumita it kabilugan nga $17-billion.
Raya hay mag-eowas pa sa mga nagbakae it pay-per-view.
Bangud kara, maskin nga $5 million ro guaranteed hay nag-uli it tig-$40 million ro daywang boksidor.
Haeos 12 anyos sigon nga undefeated si Wilder, apang makaron hay natigayon nga ma-knockout it puti nga boksidor nga naghalin sa England.
Nasayuran nga sa ikapitong round it bakbakan hay ginpapundo eon it referee ro hampang kasunod it paghaboy it tuwalya it corner ni Wilder kasunod it mga mabaskog nga bayo ni Fury.
