Makigpueong si Indonesian President ag G20 chair Joko Widodo kanday Russian President Volodymyr Zelensky ag Russian President Vladimir Putin makarong buean para talakayon ro economic ag humanitarian crisis kasunod it invasion it Russia sa Ukraine.
Suno sa Indonesian Foreign Minister Retno Marsudi, magabisita si President Widodo sa Kyiv ag Moscow matapos nga irepresenta ro Indonesia bilang guest country sa G7 summit sa Germany sa Hunyo 26 ag 27 nga kung siin imaw ro pinaka-una nga Asian leader nga magabisita sa kaparehong nasyon maghalin tag nag-umpisa ro giyera.
Owa eon ginpakigbahin ni Marsudi ro petsa it pakigpueong it pangueo it Indonesia sa pangueo it Ukraine ag Russia sapang suno security minister Mahfud MD, makigpueong man si Widodo kay Russian President Putin sa Hunyo 30.
sa pihak nga parte, padayon man ro Indonesia nga nagapanindugan sa neutral position kara sa giyera sa tunga it Russia ag Ukraine.
