Nag-paguwa eon ro Department of Trade and Industries (DTI) it “Gabay sa pamimili ng school supplies” para sa dag-ong 2025.
Suno kay Ramil Amihan, provincial director it DTI-Aklan, gina panao raya sa mga retailers bukon eang iya sa probinsya it Aklan kundi sa bilog nga nasyon.
Ro pagmonitor sigon it DTI sa mga school supplies hay ginahiwat daywang buean antes ro balik eskwela.
Suno pa kana , sa raya ngara nga tikang, makit-an ro mga pagsaka, pagnaba, ag uwa pag hueag nga presyo it mga school supplies makaron nga dag-on kumpara sa ku nagtaliwan nga dag-on.
Dugang pa nana, makaron nga 2025, nagtaas ro stock keeping units (SKU’s) halin sa 173 last year hasta sa 195 sku’s. Ro 100 kara nga ka units hay 52% it total nga uwa nag hueag ro presyuhan, 15% kara ro nagnaba, 9% ro nagtaas, ag 488 sku’s man kara ro bag-o ukon 25% it nasambit nga numero.
Paathag man ni Amihan nga kun may makita nga nagabaligya it mas mataas kesa sa price guide hay indi sanda mag issue it letter of inquiry kundi pagabue-on nanda ro detalye it establisyemento, ag ro ginabaligya ag isumite sa head office para sa pagdesisyon it nagakaigo nga tikang.
Ginahiwat sigon ro monitoring sa mga key cities kada dominggo, samtang kada buean mat-ana sa mga kabanwahanan.
Ginpadumnduman man nana ro mga consumers nga usisaon ro mga gina bakae nga school supplies.
Samtang, maga-conduct ma sigon sanda it “Diskwento Sale, Balik Eskwela Edition” nga maga-umpisa sa June 13-15 it presenteng dag-on s amga tagsa ka mga establisyemento.
