Ginbatikos it Gabriela Women’s Organization ro bag-o eang natapos nga foreign trip ni Pangueong Ferdinand Marcos Jr. sa Davos, Switzerland.
Suno kay Lucia Francisco, regional coordinator it nasambit nga grupo nga dapat imbestigahan ro naging travel it presidente bangud nga masyadong “obvious” nga nagagastos ro mga raya it kwarta it gobyerno kasunod it napabalitang 70 ro delegasyon it Pilipinas sa ginpatigayon nga World Economic Forum kon ikumpara sa mga gamhanang nasyon nga hasta eamang sa napueong indibidwal ro andang representante.
Ginpahayag dugang nga may mas malala nga problema nga dapat atupagon it presidente sa ahensya nga presente kara nga ginadumaeahan ro Department of Agriculture.
Nagaaray eon suno kana ro mga mangunguma bangud sa mataas nga presyo it pestisidyo, abono ag dugangan pa it importasyon.
Haeos tanan suno kana nga produktong agrikultura hay ginaimport eon rason nga uwa it pag-umwad ro mga mangunguma nga sanda dapat ro taw-an it igtaeopangod ag bukon it ro sigidas nga pagpinanaw it presidente sa ibang nasyon.
