Kasunod it selebrasyon it International Women’s Day makaron nga adlaw it Miyerkules Marso 8, may mga paghueag ag aktibidad man nga pagahimuon ro Gabriela Women’s Organization.
Suno kay Lucia Francisco, regional chairperson it nasambit nga grupo nga pila sa andang aktibidad nga nakalinyada hay ro pagpatigayon it forum kaibahan ro nagkaeain-eain nga sektor ag organisasyon.
Pagasundan raya it women’s march ag one billion rising bilang pantakop sa andang programa.
Antes pa sigon ro adlaw it selebrasyon, may mga nauna eon sandang aktibidad nga ginhimo kaparehas it pagpanupod it mga flyers kon sa siin nakabaehag ro mga importanteng isyu nga ginapangatubang makaron it nasyon.
Mag-eowas kara, nakabaehag dugang ro mga importanteng kinamatarong it kababayin-an sa sosyodad ag mga problema nga dapat taw-an it igataeopangod it gobyerno partikular sa sektor it mga mamumugon ag iba pa.
Nasayuran nga ro nasambit nga grupo kaibahan ro Bagong Alyansang Makabayan hay nagapatigayon it mga paghueag sa mga kaparehas kara nga okasyon agud nga isinggitan ag ipunto ro tawhanong kinamatarong sa tanan nga bagay.
