KALIBO, Aklan–Nagpatigayon it nagkaeain-eain nga aktibidad ro Gabriela Women’s Organization kasunod sa pagdumdom it ika-125 nga anibersaryo it Adlaw it Kahilwayan it nasyon halin sa mga dumueoong nga mananakop.
Suno kay Gabriela Women’s Organization regional chairperson Lucia Francisco nga ginhimakasan it aton nga mga baganihan nga makahilway sa mga dumueoong sumakop sa nasyon.
Apang, ro presenteng gobyerno naton sa idaeom it administrasyon ni Pangueong Ferdinand Marcos Jr. hay uman nga ginpasugtang ro visiting forces agreement.
May mga ginatukod nga Enhanced Defense Cooperation Agreement ukon EDCA sites nga nagabutang sigon sa mga Pilipino sa peligro.
Mag-eowas kara, ginapasugtan ro mga amerikano nga iya iensayo ro andang mga modernong kagamitan.
Sa raya nga butang suno kana hay medyo uwa gihapon eubusan nga naangkon it nasyon ro kahilwayan maskin nga 125 anyos eon ro nakataliwan.
