KALIBO, Aklan—Madinaeag-on nga nabuoe ro gas tanker nga nagtagilid sa Jaime Cardinal Sin Ave. sa Brgy. Caano, Kalibo.
Inabot it sang adlaw antes nabuoe sa lugar ro Jet A1 Gas Tanker nga nagtagilid matapos nga eumusot sa eapok ro kariton kara ku nagtaliwan nga gabie.
Ginasugid nga ginpabinit eamang raya it driver agod kunta nga mag-ihi.
Kahapon hay bilog nga sang adlaw nga temporaryong ginsarado anay ro porsyon it karsada sa Jaime Cardinal Sin Ave. agod nga bue-on ro tanker sa nasambitan nga lugar.
Temporaryo man anay nga nangin daean it mga motorista ro Brgy. Briones paeapos sa Brgy. Nalook, Kalibo.
Mano-mano nga ginhaw-as sa lugar ro tanker gamit ro sangka bulldozer apang antes kara hay ginpasuyupan anay raya.
Ro madinaeag-on nga pagbuoe it tanker sa lugar hay pinaagi sa gintingob nga pwersa it MDRRMO Kalibo, PDRRMO Aklan, BFP Kalibo, Kalibo PNP, DPWH, ag ARFF Kalibo.
Nangin kabulig man nanda ro Metro Kalibo Water District, ag mga tanod it Brgy. Caano ag Brgy. Mabilo, Kalibo.
