KALIBO, Aklan—Maabo ro nutrisyon nga natatao it breastmilk it mga ina sa mga unga ngani nga ginataw-an gid it importansiya ro nasambitan nga butang may kaangtanan sa selebrasyon it National Breastfeeding Week Celebration sa unang bahin it Agosto.
Pagpakigbahin ni Dr. Daystar Sedillo ro Municipal Health Officer it Local Government Unit of New Washington nga may mga macro ag micronutrients ro breastmilk it ina, mahimo maipromote ro bonding it mag-ina ag magabulig nga magbahoe ro unga nga healthy.
Pagklaro ni Dr. Sedillo nga mahimo man i-store ro mga gatas sa nagakadapat nga lugar ag temperature nga mahimo magbuhay it pilang dominggo ukon buean nakadepende sa klase it pagstore ag mahimo man nga ipadede it uman sa unga sa nagakadapat nga temperatura.
Ginklaro man nana nga bisan ro sangka ina hay nakaka-eksperyensya it post partum depression mas ginaduso ukon gina-engganyo man nga raya hay magpadede para sa bonding ag psychological effects kara.
Apang, mahimo maapektuhan ro pagproduce it gatas it sangka ina sa klase it pagkabuhi, ginakaon, ukon bisyo.
Suno man kana nga sanda sa LGU New Washington hay may ginhimo man nga aktibidades may kaangtanan sa nasambitan nga selebrayson.
