Ginkilaea it House Prosecution panel si Senador Sherwin Gatchalian bilang presiding officer it nagahilapit nga impeachment trial kontra kay VP Sara Duterte.
Suno kay House Justice Committee Chair ag lead prosecutor nga si Gerville Luistro, pagasundon it panel ro naging desisyon it Kamara nga kilaean-on ro bag-ong liderato it Senado sa idaeom ni Gatchalian matapos ro reorganisasyon ku Hunyo 3.
Ginpunto man ni Luistro nga indi pwedeng mag-angkon it bueag nga posisyon ro prosecution team nga baliskad sa opisyal nga panindugan it bilog nga kapueungan.
Angot kara, ginhambae it panel nga kay Gatchalian sanda maga-atubang ingkaso magpaguwa it bueag nga abiso ro kampo ni Sen. Alan Peter Cayetano.
Nauna eon nga ginanunsyo ni Gatchalian ku Hunyo 4 nga imaw ro magapamuno sa impeachment court nga ginaeaumang maga-umpisa sa Hulyo.
