Nakikita ni Senate President Sherwin “Win” Gatchalian nga pwedeng matapos sa Disyembre ro impeachment trial ni Vice President Sara Duterte ag mapatigayon ro botohan sa anang kaso.
Suno kay Gatchalian, mas mapadasig ro pagbista matapos boe-on it prosecution ro 15 nga nabilin nga testigo kara para sa Article 1, nga may kaangtanan sa gina-alegar nga saea nga paggamit it ₱612.5 milyong confidential funds it Office of the Vice President ag Department of Education.
Sa bag-ong iskedyul, magapatigayon ro impeachment court it bilog nga adlaw nga hearing nga indi maganaba sa 10 adlaw sa Oktubre, kun sa siin, pwedeng makapa-atubang it daywa hasta sa tatlong testigo kada adlaw.
Matapos makumpleto ro Article 1, gintapos eon man it prosecution ro presentasyon kara para sa Article 4, samtang ginaeauman nga pagatalakayon ro Article 2 sa Setyembre 14 ag Article 3 ro ulihing pag-atubang.
Samtang, uman nga pagatalakayon it impeachment court ro isyu sa two-thirds voting threshold ukon kun 16 nga boto ro kinahangeanon para masentensiyahan si Duterte. Ginaeauman nga mabatian sa Setyembre 16 ro posisyon it mga legal expert, samtang sa Setyembre 23 man ro argumento it prosecution ag defense.
Ginpahayag man ni Gatchalian nga posibleng umabot sa Korte Suprema ro isyu, depende sa magiging eksplinasyon it mga eksperto.
