Sa pihak it pilang adlaw nga komprontasyon sa tunga it Davao Police ag mga miyembro it Kingdom of Jesus Christ (KOJC), nagapasaeamat gihapon si Regional Director BGen. Nicolas Torre III sa mga suporter it nasambitan nga sekta sa andang ginapakita nga kooperasyon.
Pamilit ni Torre, apisar nga may una nga uwa pagkailintindihan, bangayan, ag mga enkwentro sa tunga it pulisya ag mga supporters, maisot eamang sigon ruyon nga mga butang.
Nagasalig ro heneral nga ro daeayon nga pagkadakop kay Quiboloy hay ro pag-umpisa eun it ‘healing process’ halin sa hidwaan nga bunga it ginhimo nga operasyon.
Naghinyo ro heneral sa mga miyembro it KOJC nga bukon it imaw ro kontra.
Suno sa heneral, ginahimo eamang nana ro anang trabaho bilang pulis, sa pagserbi it warrant kontra kay Quiboloy.
Si Torre ro nanguna sa operasyon it PNP sa Davao Region sa KOJC compound nga unang nag-umpisa ku Agosto.
Bangud sa kontrobersyal nga operasyon, gina-imbestigahan eun man raya it Senado ku Biyernes, Setyembre 6 kun siin nagsabtanan ro mga nagatindog nga opisyal ag legal counsel it KOJC ag PNP Davao Region sa pagpanguna ni Director Torre.
