Kasunod it month long celebration it women’s month makaron nga Marso, maabo man ro nakalinyada nga programa ag aktibidad it Gender and Development Office.
Suno kay Engr. Lorna Cawaling, focal person it nasambit nga departamento, pila sa andang mga naging aktibidad hay ro pagpatigayon it pneumonia vaccination para sa mga senior citizens, blood typing ag ro pagpanupod it seedlings sa tuyo nga makaangkon it vegetable garden ro kada pumueoyo sa andang mga ugsaran.
Mag-eowas kara, may first aid symposium nga ginpatigayon ag maabong iba pa.
Bilang babaye suno kay Engr. Cawaling hay kinahang-ean nga maging confident ag ipakita ro ikasarang para sa ikamayad it bilog nga pamilya.
Ro mga misis sigon hay mabahoe ro papel sa andang mga mister para mataw-an it maayos nga bwas damlag ro andang mga inonga.
Samtang sa pihak nga parte, ginpunto man ni Kalibo vice mayor Dra. Cynthia Dela Cruz ro obligasyon ag responsibilidad it mga babaye bukon eamang it sa sueod it panimaeay kundi maging sa komunidad.
Ginkilaea man nana ro inde matupungan nga sakripisyo it mga ina para eamang magiyahan sa husto nga daean ro andang mga inonga.
Ginpunto dugang it bise alkalde nga ro mga babaye hay mapinalanggaon ag very protective sa tanan nga bagay.
