KALIBO, Aklan—Generally peaceful ro bag-o eamang natapos nga 2022 national and local elections sa bilog nga Western Visayas.
Suno kay P/Lt. Col. Arnel Solis, tagapaghambae it Police Regional Office ukon PRO-6 nga sa aktwal nga adlaw it eleksyon hay owa sanda it may nailistang major incident ag election related violent incidents.
Sa kamatuoran suno kana ro crime volume ko May 9 hay nag-abot eamang sa 24 nga masyadong manaba kumpara ko eleksyon ko 2016 nga nakalista it 125 nga insidente ag 2019 nga may una nga 62.
Gindugang pa ni Solis nga magadere-deretso ro andang monitoring sa bilog nga Western Visayas angot sa mga hitabu sa tiempo it eleksyon hasta sa Hunyo 8.
Sa pihak nga parte, padayun sigon ro andang implementasyon it comelec gun ban.
Umpisa Enero 9 hasta Mayo 9, naga-abot eon sa 205 ro mga gun ban violators kun sa siin nakakumpiska it 115 nga nagkaeain-eain nga armas ag 103 nga bladed weapons.
Sa nasambit nga numero, 25 ro naghalin sa Aklan, 18 ro nailista sa Antique, 12 sa Capiz, waeo halin sa Guimaras, 36 halin sa probinsiya it Iloilo, 68 sa Negros Occidental, 20 sa Iloilo City ag 19 sa Bacolod City.
