KALIBO, Aklan—Ginpamilit ni dating sangguniang panlalawigan member ag political analysts nga si Atty. Harry Sucgang nga owa it gahum ro ginasugid nga gentlemen’s agreement nanday Pangueong Rodrigo Duterte ag China.
Suno kana nga bukon raya it pirmado ag ginkasugtanan ukon personal eamang nga gin-istoryahan it nagtaliwan nga administrasyon ag ni Chinese president Xi Jinping.
Dugang pa nga anuman nga kasugtanan ukon treaty nga pagasudlan it gobyerno hay kinahangean nga maratipikahan ukon ma-validate it mataas ag manaba nga kapueongan it kongreso.
Nagapati man si Atty. Sucgang nga owa it kamatuoran ro ginpahayag ni dating presidential spokesman Harry Roque.
Ginapanag-iyahan sigon it Pilipinas ro Ayungin shoal kun sa siin nagapabilin nga nakasadsad idtu ro BRP Sierra Madre.
Maskin hin-uno suno kana hay indi maga obra it tikang ro Pilipinas agud nga raya hay magulo.
Dugang pa ni Sucgang nga gin-insister man ni presidente Ferdinand Marcos Jr. nga indi magapa-ubos ro pilipinas sa pihak it mga pagpang-harrass nga ginahimo it China.
