KALIBO, Aklan—Naispatan ro pilang mga dumueueong nga bisita nga nakisadya sa mga aktibidad sa weeklong celebration it gina-abangan nga Kalibo Sr. Sto. Niño Ati-Atihan Festival.
Suno kay Laister Helmot, sangka German national apang permanente eon nga residente it Roxas City nga haeos an-um nga dag-on eon ro andang panata it anang pamilya nga naga-agto sa banwa it Kalibo para sa pista ni Sr. Sto. Niño.
Dugang pa nana nga nagabalik-balik sanda kada dag-on bangud nga mag-eowas sa masadya nga festival hay maabi-abihon man ro mga Aklanon ag owa sanda it gulo nga nasaksihan.
Nasayuran nga ko nagtaliwan pa nga domingo nag-abot ro dumueuong sa banwa it Kalibo ag todo enjoy sigon sanda it anang asawa ag unga sa paglibot ag pag-witness it ginakabig nga Mother of All Philippine Festival.
Plano nanda nga magtinir sa Kalibo hasta sa kaadlawan it kapistahan.