Gin-aku it Saudi Ministry of Foreign Affairs sa Riyadh nga uwa ginpansin it Germany ro andang pagtao it paandam sa suspek nga nag-araro sa Christmas market sa Magdeburg..
Suno sa nasambit nga ahensiya nga gintaw-an nanda it impormasyon ro German government ag maging sa andang intelligence agencies apang uwa nanda raya ginpansin.
Ro suspek abi nga si Taleb al-Abdulmohsen hay naaresto matapos ro ginhimo kara nga pagsagasa sa Christmas Market kun siin masako ro mga tawo sa pagpamakae nga nagresulta 5 katawo ro namatay ag magsobra 60 iba pa ro naninahan.
Base sa impormasyon hay nataw-an it asylum sa Germany ku 2016 si Taleb al-Abdulmohsen ag matapos ro 10 taon ay naging residente eun imaw it Germany.
Gintalikdan nana ro pagiging Islam ag ginakabig nana ro anang kaugalingon bilang sangka bayani sa ginhimo nana nga pagtalikod.
May una raya nga ginhimo nga websites na nga ginabuligan ro mga babayi sa Saudi nga maghalin sa andang nasyon.
Sa makaron nagapabilin pa nga nakakulong ro suspek ag ginasayod pa nanda ro pinakamotibo sa nasambit nga insidente.
