Ginkumpirma it Ghana,Africa nga may daywang kaso eon sanda it makamaeatay nga Marburg virus, sangka makataeapon nga masakit nga kapareho it Ebola.
Kung siin ro daywang nagpositibo sa virus hay gilayon nga namatay sa hospital sa bahin it Ashanti Region.
Ro nasambit nga virus hay napapasa pamaagi sa pag-angkon it direct contact sa dugo, bodily fluids it sangka positibo nga tawo ukon sa mga paniki.
Mataas nga eagnat, pagpaeanuka ag grabe nga pagpaeanakit it ueo ro nagapanguna nga sintomas it Marburg virus.
Ro nasambit nga virus hay owa pa sa makaron it nagakaigo nga pagbueong ukon vaccine.
Samtang, nauna eo nga hareport it world health organization du outbreak it Marburg virus sa Agola, the Democratic Republic of the Congo, Kenya, South Africa ag Uganda.
