-- ADVERTISEMENT --
Maabong mga leksyon ro pagadaehon it Gilas Pilipinas para sa window it FIBA World Cup Asian Qualifiers.
Raya hay matapos nga magkasunod sandang ginpyerde it New Zealand ag Australia sa mga hampang nga ginpatigayon pa iya sa Pilipinas.
Suno kay Gilas head coach Tim Cone, nga masakit ro nasambit nga pagkapyerde bangud sa mismong homecourt pa sanda ginpyerde it mga visiting team.
Apang, gusto nandang makaangkon it mga pagbag-o sa maabot nga buean it Hulyo.
Aminado sanda nga magiging mabahoe nga hangkat para kanda ro hampang sa Hulyo bangud sa court it New Zealand ag Australia pa raya igapatigayon.
-- ADVERTISEMENT --
Sa makaron hay ginatun-an nana it mayad ro pilang mga tikang para makaangkon it mas malig-on nga manughampang nga pantapat sa pilang mga koponan.
