Pormal eon nga paga-umpisahan it Gilas Pilipinas ro andang puspusang ensayo para sa 2023 FIBA World Cup kon sa siin sambilog ro Pilipinas sa host kaibahan ro Japan ag Indonesia.
Suno kay Gilas coach Chot Reyes, nga kaeakip sa pagpahaom nga andang pagahimuon hay ro pag-angkon it tune-up games sa pilang mga koponan sa Lithuania.
Magaadto ro national basketball team sa Lithuania sa maabot nga Hunyo 20 ukon 21.
Ginsambit man ni Reyes kon sin-o ro pwedeng ibueos kay Kai Sotto engkasong inde raya makahampang ag ginpahayag nana nga napili nanda si AJ Edu nga ko kan-o eamang hay nag-abot eon sa nasyon.
Nauna eon nga ginpahayag ni Reyes nga base aeang-aeang si Sotto nga makaibahan sa Gilas bangud sa pagpasakop kara sa NBA Summer League nga maga-umpisa sa buean it Hulyo.
Ginpahayag it Gilas coach nga suportado nana si Sotto nga pursigidong ipadayon ro anang handom nga makahampang sa NBA.
