Plano ni Gilas Pilipinas coach Chot Reyes nga magpasueod pa it sangka naturalized player kung eubusan eon nga indi maka-intra si Kai Sotto sa main draw it 2023 FIBA World Cup.
Kasunod raya sa masaklap nga pagka-piyerdi it national basketball team kontra Jordan sa score nga 91-90 sa hampang nga ginhiwat sa Philippine Arena ko adlaw it Lunes.
Aminado si Reyes nga may pilang mga nakalinya para maging naturalized players kapareho ni Ange Kouame ukon maskin sambilog pang may kataason nga 6-10 ukon 6-11.
Owa eon sigon nanda ginaeauman nga maka-intra pa si Sotto sa Gilas bangud imaw hay nakapirma eon it kontrata sa Japan Basketball League
Dugang pa ni Reyes nga kinahang-ean nga may katimbang si Justin Brownlee para sa pag-atubang nanda sa mga daeagkuan nga koponan sa FIBA World Cup.
Matueopangdan nga maga-umpisa ro FIBA World Cup sa Agosto kung siin sambilog ro Pilipinas sa host kaibahan ro Japan ag Indonesia.
