Sports News——-Una eon sa unang puwesto ro Group A it FIBA Asia Cup ro Gilas Pilipinas matapos pyerdihon ro Thailand sa score nga 93-69.
May una eon sigon nga tatlong daog ag uwa pa it pyerdi ro Gilas.
Sa umpisa pa eamang it hampang hay nag-arangkada eon ro national basketball team it nasyon sa hampang nga ginpatigayon sa Manama, Bahrain.
Owa eon ginpasugtan it Gilas nga makaabante pa ro Thailand.
Napanaba pa it Thailand ro abante sa 14 points apang uwa gihapon naduea ro pagiging agresibo it Gilas.
Nagbida sa pagdaog it Gilas si Javi Gomez de Liano nga nakalista it 19 points samtang ro manghod kara nga si Juan hay may 14 points.
Ginpahayag ni Gilas coach Jong Uichico nga uwa imaw naila maging kampante ro Gilas bangud sa tinambakan nanda ro Thailand sa andang unang hampang ko nagtaliwan nga dominggo.
