Gilas Womens basketball team makasambuwa ro mga matag-as nga koponan sa Asia Cup

Magapangatubang sa mabahoe nga hangkat ro Gilas Womens’ basketball team it nasyon sa pagsabak nanda sa FIBA Women’s Asia Cup sa buean it Hunyo.

Insigida nanda nga makasagupa ro Australia sa Hunyo 26 sa Sydney Olympic Park Sports Center.

Raya ro unang match sa Group B it torneo para sanda hay makabuoe it spot sa 2026 Women’s Basketball World Cup.

Matapos ro Australia hay makaatubang nanda ro Chinese-Taipei.

Sa ulihing tatlonng pag-atubang sigon it Gilas Pilipinas Womens ag Australia hay may average nga 57.3 points ro andang pyerde.