Gin-aku ni barangay kagawad Oquendo nga naghinyu sanda kay punong barangay Rubrico nga ma-extend pa ro andang binayle 

KALIBO, Aklan—Gin-aku ni barangay kagawad Junery Oquendo nga imaw kaibahan si kagawad  Arnolfo Dominguez ro naghinyu kay punong barangay Florendo Rubrico nga ma-extend pa ro andang binayle.

Suno kana nga tuyo eamang nana nga mapasugtan ro hinyu it mga nagabayle  nga sobrang nag-enjoy.

Nagpaandam pa sigon  imaw nga magapadayun ro kasadyahan  kon indi sanda magtuga it  gulo.

Apang sa  owa ginaeauman hay nagtuhaw ro kinagamo.

Maskin sigon si  SB member elect Joel Pelayo Rentino  ag sandang mga kagawad nga nagpatunga  hay owa naka-ampara sa  rambol.

Samtang,   ginpasiguro it   opisyal  nga magapatigayon sanda it  kaugalingon  nga imbestigasyon agud nga matumod ro ginhalinan  it  gulo.