KALIBO, Aklan–Bukon it bastante ro gin-aprubahan nga minimum wage increase sa bilog nga Western Visayas it Regional Tripartite Wages and Productivity Board.
Raya ro ginpahayag ni Kim Sin Tugna, OIC Coordinator it Bagyong Alyansang Makabayan ukon Bayan-Aklan.
Suno kay Tugna, mabahoe nga insulto sa mga ordinaryong empleyado ro haeos P55 nga pagtaas sa sweldo.
Indi sigon raya makadungan sa sigidas nga pagtinaas it presyo it nagapangunang baeak-eon ag serbisyo sa nasyon.
Dapat sigon nga suportahan it gobyerno ro Micro-, Small and Medium-sized Enterprises (MSMEs) para makasunod ro mga raya sa pagpataas it sweldo it mga empleyado.
Ginpasiguro man kara nga kaibahan sa prayoridad it andang grupo ro pagduso it kinamatarong sa minimum wage increase para makabulig sa mga pigadong pamilya.
