Gin-engganyo it DOT Region VI ro mga tourism operators nga ikonsidera ro mas manami nga package para sa mga turista

KALIBO, Aklan—Gin-engganyo it Department of Tourism (DOT) Region VI ro mga tourism operators nga ikonsidera ro pilang bagay sa pagpahaum sa mas manami nga tourism package bilang diskarte agud uman nga umpisahan ro lokal nga turismo sa tunga it pandemya daea it COVID-19.

Suno sa ahensya, dapat anay nga taw-an it igtueopangod it mga tourism operators ro pagpatpat it tourism package sa kung ano ro pwedeng mai-offer sa mga turista kamana ro andang magiging aktibidad sa lugar nga andang paga-adtunan.

Dugang pa kara nga dapat man sigon nga maging sakto ro mga aktibidad sa kinahang-eanon kapareho it wellness, nature-based at memorable travels para sa mga turista.