KALIBO, Aklan—Gin engganyo it simbahan ro kada tumueu-o nga gamiton sa mayad nga pamaagi ro oras nga gintau it Diyos pinaagi sa pagpabaskog pa it relasyon sa pamilya ag eabaw sa tanan sa Diyos makaron nga Semata Santa sa tunga it ginapangatubang nga COVID-19 pandemic.
Suno kay Fr. Tudd Belandres it St. John The Baptist Cathedral nga hugut nga magpangamuyo bilang pamilya ag mag-ililiba sa pagtawag sa pangaean it Diyos agud nga pirme nanda nga kaibahan sa tiempo it krisis.
Ginlaygayan pa kara ro mga tumueu-o nga mag-focus sa mga hilimuon it simbahan kapareho it pagpatigayon it misa kun sa siin ginapatigayon makaron pinaagi sa social media.
Sa pihak nga parte, ginpaathag ni Fr Tudd nga ro Biyernes Santo sigon ro adlaw it kamatayon ni Hesus ag dikara kaeabanan nga ginapatigayon ro pag-Visita Iglesia ag pangamuyo.
Apang ginpadumdum ni Fr. Tudd nga indi dapat nga balewalaon ro Easter Sunday bangud nga dikara uman nga nabuhi si Hesus, pamatuod nga unga imaw it Diyos ag gintubos nana ro mga tawo sa kasae-anan.
