Natapos eon ro ginpatigayon nga backtracking it Altavas MPS angot sa gina-alegar nga kidnapping incident nga natabo ku nagtaliwan nga buean it Abril.
Suno kay PLt. Abelardo Palma Jr., officer in charge it nasambit nga taeatapan, base sa andang imbestigayon, uwa it nakit-ang mga CCTV footage nga nagapamatuod sa mga testimonya it gina-alegar nga biktima.
Sa ginahambae paeang sigon nana nga tricycle ro anang ginsakyan hay uwa eon naga-sinanto sa mga nakalap nga ebidensya. Mahambae sigon nanda nga ro nasmabit nga insidente hay himo-himo eamang it mga imbolbado.
Dugang pa nana, sa makaron hay gina-pabaskog pa nanda ro andang igapasaka nga kaso kun sa siin ginakompleto pa nanda ro ibang dokumento para sa posoibleng pagpasaka sa it kaso sa office of the provincial prosectutor.
Sueod ro nasambit nga insidente sa idaeom it Article 154 it Revised Penal Code ukon ‘ unlawful use of means of publication and unlawful utterances’.
Nataeupangdan man sigon nga may andan kara nga amo nga gin-taw-an sanda it kapital para sa negosyo kun sa siin, plano man kara nga mag-adto sa Altavas para nga makapakasa man it nagakaigo nga kaso.
