KALIBO, Aklan — Naga pangatubang sa kasong theft ro gina alegar nga dating miyembro it New People’s Army (NPA) matapos nga takawon ro pouch wallet it sangka empleyado sa Barangay Manocmanoc sa isla it Boracay.
Gin kilaea ni PO1 Santi Jarloc it Boracay Tourist Assistance Center (BTAC) ro suspek nga si Dexter Narciso, 19, residente it Barangay Toyungan, Calinog, Iloilo.
Narekober kana it mga pulis ro sangka brown nga pouch wallet nga gina panag iyahan it biktimang si Jeryl Sitjar, empleyado it sangka hauling services nga may sueod it kwartang naga abo sa P70,450, daywang cellphone ag mga importanteng IDs.
Sumalisi sigon ro suspek ag gin bo-oe ro anang pouch wallet samtang masako sa anang kaestorya.
Gina sugid nga nakasueod sa isla ro suspek pinaagi sa pagsakay sa sangka garbage cargo.
Gin pahayag pa ni PO1 Jarloc nga mag eowas sa mga tattoo sa magkaeain-eain nga parte it anang eawas, nakitaan man raya it matsa tuldok sa anang
dahi ag kilid it eawas nga senyales sigon it pagiging miyembro it rebeldeng grupo.
