KALIBO, AKLAN — Nagdangop sa Bombo Radyo Kalibo ro nanay it sambilog sa mga nakaiskapo nga suspek sa natabong panakawan sa bahin it Brgy. Estancia, Kalibo.
Ginasugid nga suno sa anang unga, natigayon nga ginsakit it pila ka mga pulis ro anang unga.
Sa ginpatigayon man nga independent investigation it investigative report section it Bombo Radyo Kalibo, ginpakita it mga suspek rong pila ka mga lastro nga andang naangkon bangud sa gina-alegar nga pagpanakit kanda.
Gin-istorya man it mga suspek ro natabo kabi-e pagkatapos sigon sanda magsurrender ag madakpan ag gindaea sa Kalibo PNP station.
Nakilaea sigon nanda ro pulis nga gina-alegar nga nagpanakit kanda.
Apang sa makaron, bangud sa ginapatigayon pa nga imbestigasyon, ginpakamayad nga itago lang anay sigon ro pangaean it nasambitan nga pulis.
