KALIBO, Aklan—Gina-imbestigahan eon it regional office it Philippine Coast Guard (PCG) ro gina-alegar nga pagbunggo it sangka barko sa fishing vessel nga naging rason it pagkamatay it mangingisda nga si Rex Peralta.
Suno kay Terrence Jun Toriano, head it Municipal Disaster Risk Reduction and Management Office ukon MDRRMO Kalibo nga maabu nga mga tawuhan it PCG-6 ro nagbiyahe paagto it Aklan bangud sa nasambit nga insidente.
Raya hay matapos nga ginapatihan nga ro point of origin it barko hay Guimaras, Iloilo ukon Bacolod.
Gindugang pa ni Toriano nga sa mayad nga swerte hay narekober ro bangkay it mangingisda nga nakataeanang igapaidaeum sa post mortem examination agud nga matumod ro mga lastro nga naagum.
Angot kara, ginpasaeamatan man nana ro pagbueuligan it mga mangingisda nga kaeabanan sa mga raya hay miyembro man it PCG auxiliary rason nga madaling nausoy ro bangkay it mangingisda nga si Peralta.
