Kalibo Aklan ——Mas mabahoe nga numero it mga pumueuyu hay owa eon masyadong naga-usoy it national food authority ukon NFA rice bangud sa pagbaha it mga baratong commercial rice sa merkado .
Ginpahayag ni Benilda Fidel, NFA-Aklan Manager nga raya hay resulta it ginpatuman nga RA 11203 ukon rice tarrification law .
Maskin sigon nga kada banwa hay may mga accredited outlet it NFA, apang indi sanda mapwersa nga magbakae .
Aminado man si Fidel nga bukon gid man it masyadong mataas ro demand it NFA rice sa probinsiya bangud nga ro Aklan hay makabig raya nga surplus area ukon bastante ro supply it paeay.
Base suno kana sa andang survey, magabuhay pa it masobra sa tatlong buean ro stocks it paeay sa mga household apang ginpasiguro it NFA nga maabu sanda nga stock it bugas.
Mag-eowas kara, bastante man ro andang paeay sa andang mga warehouse nga naga-abot sa kapin sa 83,000 bags.
Ginpahayag dugang nga ro andang pagpamakae it paeay nga clean and dry halin sa mga local farmers hay 19 pesos kada kilo samtang ro NFA rice hay nagahampang sa 27 pesos per kilo kumpara sa regular milled rice nga 32 hasta 38 pesos ag ro well milled rice 40 hasta 44 pesos kada kilo.
