NATIONAL News —- Owa pa it plano nga ibalik it Department of Tourism (DOT) maskin it Department of the Interior and Local Government (DILG) ro sikat nga “Laboracay” kada Labor day ukon Mayo 1.
Sa Laging Handa public press briefing, ginpahayag ni DILG Usec. Epimaco Densing nga presente pa kita sa pandemya ag owa nanda ginapasugtan ro overcrowding.
Ro Laboracay man sigon hay may negatibong epekto sa palibot bangud sa sobrang kaabuon it tawo ag sa mga basurang naaywan sa isla.
Samtang, nagpaandam ro DILG sa mga lokal nga opisyal it Boracay angot sa natabu nga pagbuhos it mga turista sa isla ko Holy Week.
Suno kay Densing, ginapasiguro it DILG nga indi eon mauman nga mag-eampas sa 19,000 ro numero it mga turista sa Boracay nga gintaeana nga carrying capacity sa isla.
