KALIBO, Aklan—Ginakabaeak-an nga maabu pa nga mga hotels sa isla it Boracay ro magasarado bangud sa epekto it nagapadayun nga pandemya nga daea it Coronavirus Disease 2019 ukon COVID 19.
Suno kay Aklan 2nd District Congressman Teodorico Haresco nga bangud sa pagtinaas nga kaso it Covid-19 partikular sa India hay nagapangaman ag nagaduha-duha nga magbiyahe ro mga turista sa bilog nga kalibutan.
Napabalita nga pila sa mga hotels ag shops sa isla hay ginabaligya eon samtang ro iba hay gustong pa rentahan ro andang property.
Suno kay Cong. Haresco nga miyembro it committee on appropriation nga ginapadasig eon nanda ro pagtalakay sa Bayanihan law 3 agud nga makatau it ayuda sa mga Filipino nga eubus nga naapektuhan it pandemya.
Mag-eowas sa bulig pinansiyal, nagaeaum si Haresco nga mas pa nga mapadasig ro inoculation ukon pagbakuna kontra Covid-19 sa bilog nga nasyon partikular sa mga tourism workers.
Sa oras suno kana nga mabakunahan ro kaabuan sa mga taga-isla, mas pang magataas ro kumpiyansa it International tourists nga eowas nga magbakasyon sa Boracay.
