-- ADVERTISEMENT --
KALIBO, Aklan—Arestado ro sangka 32-anyos nga ginang matapos nga nagpanakaw sa sangka establisyimento sa isla it Boracay.
Ginkilaea ni Police Corporal Kelvin Aranguin it Malay PNP ro suspek nga Lucy Villas ag residente it Brgy. Yapak, Boracay.
Narekober sa posisyon ag kontrol it suspek ro pila ka mga beauty products ag personal belongings.
Suno sa pulisya, tatlong adlaw eon nga ginamanmanan ro suspek antes nga naaresto bangud nga masami raya nga nakakapaeagyo kon hana nga arestuhon it mga staff.
Si Villas hay presenteng una sa paghinakop it Malay PNP para sa nagakaigong disposisyon.
-- ADVERTISEMENT --
