KALIBO, Aklan — Nakaeowas ro sangka ginang matapos nga barilon it owa pa nakilaea nga mga suspek bandang alas-8:00 kaina it agahon sa Enriquez Road, Brgy. Estancia, Kalibo.
Nakilaea ro biktima nga si Rossini Zaldivia Max, 49, ag residente it nasambit nga lugar .
Suno kay Estancia Barangay Captain Daisy Andrade, magasueod kunta eskwelahan ro biktima, apang samtang nga nagatikang kaibahan ro anang magueang nga babaye paguwa sa national highway may nakasub-eang sigon sanda nga riding-in-tandem sakay it kulay blue nga motorsiklo.
Ginpaeukpan sigon raya it naka-angkas sa motorsiklo, apang owa nag-eupok rason nga nakaangkon it chansa ro biktima nga maka-eumpat sa irigasyon ag nagpanago sa imburnal.
Ginsegundahan pa sigon raya it daywang eupok , apang sa mayad nga swerte nga owa tinamaan ro babaye .
Insigidang nagpaeagiw ro mga suspek matapos ro insidente.
Dayun man nga gindaea sa sangka pribadong ospital ro biktima bangud sa koeba ag mga gasgas sa eawas .
Nagapatigayon eon it imbestigasyon ro mga otoridad agud nga makilaea ro mga suspek ag makasuhan .
