KALIBO, Aklan–Pursigido nga ipadayun it sangka ginang ro anang ginpasaka nga kaso kontra sa Punong Barangay it Cawayan, New Washington.
Raya hay matapos sigon imaw nga sakiton ag ginpaeag nga barilon ni Kapitan Rex Regalado ko Abril 19, 2020.
Suno sa tagreklamo nga si Erlinda Artuz nga owa imaw it plano nga makipag-aregalo bangud gusto nana nga mataw-an it leksyon ro opisyal.
Gin-insister pa kara nga pagatinguhaan nana nga mapadayun ro kaso apisar nga nauna eon raya nga ginbasura it korte.
Gusto man sigon nana nga klaruhon ro mga naga-eapta nga istorya sa andang barangay nga ginbayaran imaw rason nga napiyerdi ro kaso.
Owa sigon it baeayran nga natabo kamana man nga owa sanda nagka-istorya ukon nagpangayo kana it pasaylo si Kapitan Regalado.
Nag-ugat sigon ro tanan matapos imaw nga pasibangdan it opisyal nga nagadaea it “tsismis” sa anang pamilya kung siin ginturo imaw kara sa dahi, ginsampae, ginsipa ag ginpaeag pa nga pagabarilon.
