KALIBO, Aklan—Nagapangatubang sa kasong pag-eabag sa Presidential Decree 1865 ukon Illegal Selling of Petroleum Products ro sangka 44-anyos nga babaye sa Brgy. Arcanghel, Balete.
Pinaagi sa gintingob nga pwersa it Criminal Investigation Detection Group (CIDG) Aklan, Highway Patrol Group (HPG) ag Belete PNP, naaresto ro suspek nga si Emily Andrade ag residente it nasmabit nga lugar.
Nabueo sa anang posisyon ag kontrol ro daywang container, nagkaeain-eain nga plastic bottle ag botelya nga puno it gasolina.
Ginasugid nga mabuhay eon nga ginamanmanan it mga otoridad si Andrade hasta nga nakumpirma nga nagabaligya raya it tinge nga gasolina.
Si Andrade hay insigidang gindaea sa taeatapan it pulisya kon sa siin imaw sa makaron nakakulong para sa nagakaigong disposisyon.
