Sangka ginang sa California ro nakakita it kwarta nga nagabalor it 36,000 dollars ukon katumbas it 1.9 milyon pesos halin sa segunda manong sopa nga gintau kana.
Bag-o eamang nga nagsaylo ro ginang nga si Vicky umodo sa bag-o nana nga baeay sa colton, san Bernardino county California.
Agud nga makatipid sa furniture, nag usoy imaw it mabak-ean nga second hand nga sopa sa craiglist, sangka online classified ads website.
Nalipay ro babaye kat makakita imaw it listing para sa sangka set it sopa nga libreng ginapanau.
Ginkontak nana ro nag obra it listing ag nasayuran nana nga namatay gali ro matuod nga tag-ana it sopa ag ginpanau ro anang mga gamit.
Bangud nga libre, owa nagduha-duha si umodo ag gin pick up nana ro sopa sa igbata nga namatay.
Pag abot sa anang baeay, insigida nana nga nabatyagan nga matsa may mga papel nga nakasil-ot sa cushion it sopa.
Sa sueod kara hay nakit-an nana ro pilang envelope nga may sueod nga 36,000 dollars nga cash.
Insigida nana nga gintawagan ro igbata nga nagtau kana it sopa ag ginhambae ro anang nakit-an nga kwarta.
Suno sa igbata nga pilang envelope nga puno it kwarta ro nakit-an nanda sa baeay it namatay apang ro envelope sa sopa ro may pinakamabahoe nga kantidad
Nagpasaeamat ro pamilya it namatay sa pagiging honest ni umodo.
Bangud kara, gintaw-an nanda si umodu it 2,200 dollars nga cash bilang reward .
